| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 32.19 | Dem. 32.22 (English) | >>Dem. 32.26 |
32.21τί γὰρ ἂν καὶ ἄλλʼ ἐποιοῦμεν ; οὔπω γὰρ τοῦτό γʼ οὐδεὶς ἡμῶν τῶν κοινωνῶν ὑπέλαβεν , ὡς ὑμεῖς γνώσεσθέ ποτʼ εἶναι τούτου τὸν σῖτον , ὃν καταλιπεῖν οὗτος ἔπειθεν τοὺς ναύτας , ὅπως ἀπόλοιτο τοῦ πλοίου καταδύντος . ὃ καὶ μέγιστόν ἐστι σημεῖον τοῦ μηδὲν προσήκειν αὐτῷ . τίς γὰρ ἂν τὸν ἑαυτοῦ σῖτον ἔπειθε προέσθαι τοὺς σῴζειν βουλομένους ; ἢ τίς οὐκ ἂν ἔπλει δεξάμενος τὴν πρόκλησιν εἰς τὴν Σικελίαν , οὗ ταῦτʼ ἦν ἐλέγξαι καθαρῶς ;
32.22καὶ μὴν οὐδὲ τοῦτʼ ἐμέλλομεν ὑμῶν καταγνώσεσθαι , ὡς εἰσαγώγιμον ψηφιεῖσθε τούτῳ τὴν δίκην περὶ τούτων τῶν χρημάτων , ἃ κατὰ πολλοὺς τρόπους οὗτος ἔπραττεν ὅπως μὴ εἰσαγώγιμα δεῦρʼ ἔσται , πρῶτον μὲν ὅτʼ αὐτὰ καταλιπεῖν τοὺς ναύτας ἔπειθεν , εἶθʼ ὅτʼ ἐν Κεφαλληνίᾳ μὴ δεῦρο πλεῖν τὴν ναῦν ἔπραττεν .
32.23πῶς γὰρ οὐκ αἰσχρὸν καὶ δεινὸν ἂν γένοιτο , εἰ Κεφαλλῆνες μέν , ὅπως τοῖς Ἀθηναίοις σωθῇ τὰ χρήματα , δεῦρο πλεῖν τὴν ναῦν ἔκριναν , ὑμεῖς δʼ ὄντες Ἀθηναῖοι τὰ τῶν πολιτῶν τοῖς καταποντίσαι βουληθεῖσιν δοῦναι γνοίητε , καὶ ἃ μὴ καταπλεῖν ὅλως οὗτος δεῦρʼ ἔπραττεν , ταῦτʼ εἰσαγώγιμα τούτῳ ψηφίσαισθε ; μὴ δῆτʼ , ὦ Ζεῦ καὶ θεοί . λέγε δή μοι τί παραγέγραμμαι .ὅτι μὲν τοίνυν ἐκ τῶν νόμων παρεγραψάμην μὴ εἰσαγώγιμον εἶναι τὴν δίκην , ἱκανῶς οἴομαι δεδεῖχθαι · τέχνην δʼ ἀκούσεσθε τοῦ σοφοῦ τοῦ ταῦτα πάντα συντεθηκότος , τοῦ Ἀριστοφῶντος . ὡς γὰρ ἐκ τῶν πραγμάτων ἁπλῶς οὐδὲν ἑώρων δίκαιον ἑαυτοῖς ἐνόν , ἐπικηρυκεύονται τῷ Πρώτῳ καὶ πείθουσι τὸν ἄνθρωπον ἐνδοῦναι τὰ πράγμαθʼ ἑαυτοῖς , πράττοντες μὲν ὡς ἔοικεν καὶ ἐξ ἀρχῆς τοῦτο , ὡς ἡμῖν νῦν φανερὸν γέγονεν , οὐ δυνάμενοι δὲ πεῖσαι .
Παραγραφή
Νόμος
32.24
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 32.19 | Dem. 32.22 (English) | >>Dem. 32.26 |
